Laneko segurtasun eta osasun politika
Idilia Foods. Bertan, laneko segurtasun eta osasuna (LSO) jarduera guztietan integratuta dagoen prozesua da, eta estrategikoa da konpainiaren jarraipenarentzat.
Idilia Foods enpresaren zuzendaritzarentzat lehentasuna da laneko segurtasun eta osasun politika hori LSOaren kudeaketa sistemaren bitartez garatzea. Sistema horren helburu nagusia laneko ingurune seguru eta osasuntsua eskaintzea da, alderdi interesdunen lanarekin lotutako lesioak eta osasunaren narriadura prebenitzeko.
Horretarako, Idilia Foods-ek oinarrizko printzipio hauek sustatzen ditu, eta erakundearen jarduketa guztietan aplikatzen dira:
- Zuzendaritzaren lidergo aktiboa eta bertatik bertarakoa, bere erantzukizun hierarkikoaren berezko osagaia izanik. Zuzendaritzari dagokio LSO programen buru jardutea, arauak aginte maila guztietan betetzen direla ziurtatuta eta dagokien profilei laguntza emanda.
- LSO helburuak definitzea eta jarduna gainbegiratzea, LSOaren kudeaketa sistemaren etengabeko hobekuntza lortzeko, erakunde osoaren partaidetza ahalik eta handienarekin.
- Legezko eta bestelako betekizunak betetzea, eta prozedura eta jarraibide propioak errespetatzea.
- Arriskuen eta arriskuak murriztu eta desagerraraztea ahalbidetzen duten aukeren analisi sistematikoa, langileen eta beren ordezkarien inplikazioarekin, eta baita zerbitzu hornitzaileen inplikazioarekin ere, istripuak prebenitzeko eta ohitura osasuntsuak sustatzeko behar diren ekintzak garatuta.
- Gertakari, istripu eta gaixotasun profesional guztien ikerketa, etengabe hobetzen jarraitzeko eta prebentzioa ahalbidetzen duen ikaskuntza bultzatzeko.
- Prestakuntza, informazio eta motibazio programa egoki eta etengabekoak sustatzea, langile guztiek beren lanetik eratorritako arrisku eta inpaktuak ezagutu ditzaten, eta baita arrisku horien garrantzia eta prebenitzeko moduak ere.
- Gure langile guztien eta interes talde guztien partaidetza, kontsulta, inplikazioa eta erantzukizuna sustatzea, LSOaren kultura bat lortzeko. Kultura hori begirunean, prozeduren betetzean eta kultura bera hobetzeko ekimenean eta ekarpenean oinarritutako jarrerek eta borondateak osatuko dute.
